Башҡорт теленән халыҡ-ара диктант
Май 18, 2019
Просмотров: 54
18 майҙа Мөхәмәтша Буранғолов исемендәге башҡорт лицейында “Башҡорт телендә һөйләшәм, башҡорт телендә яҙам” девизы аҫтында башҡорт теленән халыҡ-ара диктант үтте. Был сарала үҙ теленә, тарихына, моңона битараф булмаған 171 кеше ҡатнашты. Диктант ике кимәлдә үткәрелде: башҡорт телен яңы өйрәнә башлаусылар кимәлендә - 73, башҡорт телендә ирекле һөйләшеүселәр 98 кеше яҙҙы. Диктант – телебеҙҙең мәртәбәһен, бәҫен күтәреүҙә, хатаһыҙ яҙыу мәҙәниәтен популярлаштырыуҙа һәм үҫтереү мәсьәләләренә иғтибарҙы йәлеп итеүгә йүнәлтелгән.